«Алматыбасжоспар» ҒЗИ алаңында бірыңғай есеп күні өтті. Онда қалалық бақылау-қадағалау органдары 2023 жылғы 1 қаңтар мен 1 тамыз аралығында атқарылған жұмыстар туралы ақпаратты бөлісті.

Кездесуге 70-ге жуық бизнес өкілі, Өңірлік кәсіпкерлер палатасы, бақылау және қадағалау органдары, мемлекеттік қызмет саласындағы уәкілетті орган, сыбайлас жемқорлыққа қарсы іс-қимыл жөніндегі уәкілетті органның өкілдері, сондай-ақ қала прокуратура органдарының мамандары қатысты.

Алматы қаласы кәсіпкерлер палатасы төрағасының міндетін атқарушы Нариман Ибрагимов бірыңғай есеп күні бизнесті мемлекеттің бақылау-қадағалау функцияларымен таныстыру, кәсіпкерлік субъектілерінің құқықтық сауаттылығын арттыру және қауіпсіз қызметті ұйымдастыру мақсатында жыл сайын дәстүрлі түрде өткізілетінін еске салды.

Кәсіпкерлік және инвестициялар басқармасының басшысы Берік Солтанбаев Алматы қаласының экономикасы көбінесе сауда және қызмет көрсету саласының ЖӨӨ құрылымында басым екеін, оның үлесі 86,1%-ды құрайтынын атап өтті. Қала экономикасының басым бөлігін шағын және орта бизнес құрайды (57,5%). Онда 869 мың адам немесе экономикалық белсенді халықтың 83% жұмыс істейді. 2022 жылы шығарылған ШОБ өнімінің көлемі 15,7 трлн теңгені құрады.

«Өздеріңіз білетіндей, өткен жылы Алматы қаласын дамытудың 2025 және 2030 жылдарға дейінгі жоспары бекітілді. Бұл қала үшін маңызды стратегиялық құжат, оған сәйкес біз өзіміз үшін қаланы дамытудың мынадай басымдықтарын айқындадық: жоғары технологиялық және «таза» өндірістерді дамыту және креатив индустрияларды дамыту», – деп атап өтті Берік Солтанбаев.

Спикердің айтуынша, ауқымды инвестициялық жобалар Алматының индустриялық аймағында және инновациялық технологиялар паркінің арнайы экономикалық аймағында дамып жатыр. Шағын кәсіпорындар үшін шағын өнеркәсіптік парктер бағдарламасы белсенді түрде жүзеге асырылу үстінде. Онда үй-жайлар жеңілдетілген шарттармен беріледі.

«Алматының индустриялық аймағының аумағында қазір 381,4 млрд теңгеге 87 жоба іске асырылып жатыр, онда 10 мыңнан астам жұмыс орны құрылды. 2022 жылдың қорытындысы бойынша өнеркәсіпте өңдеу өнеркәсібінің 13%-ға өсуі есебінен 9,6%-ға өсу қамтамасыз етілді», – деді Берік Солтанбаев.

Бұдан әрі басқа мемлекеттік органдардың өкілдері 2023 жылдың бірінші жартысында атқарылған жұмыстар туралы есеп берді.

Есеп беру бөлімінен кейін кәсіпкерлер жергілікті атқарушы органдардың өкілдеріне өз сұрақтарын қоюға мүмкіндік алды.

«Қазақстанның Рестораторлар клубы» қауымдастығының төрайымы Гүлнар Катибаева құқық қорғау органдарына мейрамхана-бар аллеясын патрульдеуге қатысты сұрақ қойды.

«Мейрамханалар аллеясынан арнайы жедел әрекет ету отряды (СОБР)  қашан алынып тасталады, кәсіпкерлер қашан жұмыс істейді? Неге бізде күн сайын арнайы отрадтың қызметіне ақша табамыз, ал біреуді тонап жатқанда полиция екі сағаттан соң келеді? Төтенше жағдайлар қызметі мен салық басқармасынан да айтар тілегім бар. Бұрын жаднамалар жыл сайын таратылатын, сол буклеттерді әзірлеуді сұраймыз. Өйткені келесі жылы тексеруге мораторий алынып тасталады және біз мейрамханаларды бірінші болып тексеретінін жақсы түсінеміз. Сондықтан біз сіздерден жаднамалар әзірлеуді сұраймыз және мұны барлық орагнға жасауға болады», – деді Гүлнар Катибаева.

Құқық қорғау органдарының өкілдері арнайы жедел әрекет ету отряды Назарбаев даңғылында қоғамдық тәртіпті қамтамасыз етеді деп жауап берді. ТЖД өкілі өрт қауіпсіздігі бойынша кәсіпкерлерге арналған тиісті жаднамалар баспаға жіберілгенін хабарлады.

Мектептегі тамақтану кәсіпорындары қауымдастығының вице-президенті Салтанат Лесбаева прокуратура өкілдеріне мектеп асханаларына бөгде адамдардың заңсыз кіруін шешуге көмектесуге жүгінді.

«Менің прокуратурадан біздің түйткілді мәселемізді шешуге жәрдемдесуді сұраймын. Мәселе 1-4 сынып үшін ақылы тамақтану туралы, тиісінше, блогерлер, қоғам қайраткерлері мектеп асханаларына барып, оны видеоға түсіріп, әлеуметтік желілерде таратып, жасанды қоғамдық резонанс тудыратын жағдайлар жиілеп кетті. Осылайша, бірінші кезекте кәсіпкерлердің беделі мен қадір-қасиеті зардап шегеді. Біз бұл кәсіпкерлік қызметке заңсыз араласу деп санаймыз, әсіресе білім туралы заңның 43-бабына сәйкес білім беру ұйымы ішкі тәртіпті бекітеді. Сонымен қатар, мектепте 100-ден астам оқушы болса, мектеп террористік қауіп нысандарына жатады», –« деді Салтанат Лесбаева.

Спикердің айтуынша, мектеп мәзірінде белгілі бір нюанстар бар, бұл диеталық тағам, ешқандай дәм күшейткіштер, дәмдеуіштер қолданылмайды.

«Біз қазір дұрыс тамақтануды насихаттауға тырысамыз. Бірақ, өкінішке қарай,  балаларымыз фаст-фудқа, газдалған сусындарға және гамбургерлерге құмар. Мәзірге балалар жейтін нәрсені қою керек. Өкінішке қарай, ата-аналар бұл дұрыс тамақтану екенін түсінбейді», – деді Салтанат Лесбаева.

Прокуратура өкілдері бұл мәселе туралы хабардар екенін атап өтіп, әрбір осындай жағдай туралы сигнал беруге шақырды.

Кездесу барысында «Лифтшілер одағы» қауымдастығы түріндегі ЗТБ президенті Нұрлан Кенжебаев лифттерді күтіп-ұстау мәселесін көтерді. Спикердің айтуынша, жазатайым оқиғалар фактілері жиілеп кеткен. «Азаматтық қорғау туралы» ҚР Заңының 15-бабы 3-тармағының 21-тармақшасына сәйкес, жергілікті атқарушы органдарға әлеуметтік инфрақұрылым объектілерінде қауіпті техникалық құрылғылардың қауіпсіз пайдаланылуын мемлекеттік қадағалау тапсырылды. Бұл құрылғылар тізіміне лифттер де кіреді. Бұл тексерулер мен профилактикалық бақылау аясында жасалады. Нұрлан Кенжебаев лифттердің жарамдылығын бақылауды күшейтуге шақырды.

Кездесу барысында үйдің жанындағы бірқатар дүкен иелері полиция қызметкерлері оларды алкогольдік ішімдіктерді жатарға сатуға арандататын айтты.

«Көбінесе кейбір полицейлер кәмелетке толмаған жасөспірімдерді бізге алкоголь сатып алуға жібереді. Жігіттер 20 жастан асқан көрінеді. Біз лицензиядан айырылғымыз келмейді және әрқашан клиенттің жасын тексереміз. Бірақ бұны полицейлердің өздері жасап отыр, содан кейін бізге үлкен айыппұлдар салынад», – деді үйдегі дүкендердің өкілдері.

Сондай-ақ, кездесуде әлеуметтік кәсіпкерлер үшін жеңілдіктер, мектепке дейінгі ұйымдардың санитариялық қауіпсіздігі, мүлікке тыйым салу, салықтық преференциялар және т. б. мәселелер көтерілді.

Жиын соңында бизнес-қоғамдастық мемлекеттік органдармен кездесу ұйымдастырғаны үшін Өңірлік кәсіпкерлер палатасына алғысын білдірді. Нариман Ибрагимов кәсіпкерлердің барлық мәселесі бақылауға алынғанын хабарлады. Ол сондай-ақ осындай диалог форматын жарты жылда бір рет өткізуді ұсынды.