Алматы қаласының Кәсіпкерлер палатасы туралы

Алматы қаласының кәсіпкерлер Палатасы – «Атамекен» Ұлттық кәсіпкерлер палатасының құрылымдық бөлімі болып табылады. Алматы қаласының кәсіпкерлер Палатасы 2013 жылдың 8 қазанында құрылды. Республикамыздың ең ірі мегаполисінде 150 мыңнан астам шағын және орта бизнес субъектілері тіркелген, мыңға жуығы қаланың ірі бизнесі, соның барлығы Алматы қаласы кәсіпкерлер Палатасының мүшесі болып табылады.

Алматы қаласының Кәсіпкерлер палатасында келесі бөлімдер жұмыс істейді: ҰКП мүшелерімен жұмыс істеу бөлімі, адам капиталын дамыту бөлімі, сатып алу және жергілікті қамту бөлімі, жобаларды сүйемелдеу бөлімі, бағдарламаларды талдау және іске асыру бөлімі, кәсіпкерлер құқығын қорғау бөлімі, әкімшілік кедергілерді азайту бөлімі.

Алматы қаласының Палатасы жергілікті өндірушілердің мүдделерін белсенді қорғауда. Палата мемлекеттік сатып алудағы жергілікті қамтуды бақылау жөніндегі комиссияның жұмыс органы болып табылады.

2017 жылы денсаулық сақтау, құрылыс, энергетика, коммуналдық шаруашылық және білім беру салаларына мониторинг жұмыстары жүргізілді. Тек өткен жылы ғана Палата сарапшылары, импорттық тауарларды мемлекеттік сатып алуда қолданудың 12 құқық бұзушылығын анықтаған. Бұл іспеттес ұқсас тауарлар біздің қаламызда да өндіріледі. Мемлекеттік тапсырыс шеңберіңде шетелдік компаниялардың қалталарына 8,4 млрд.теңге қаражат аударылды. Ал бұл қаражат Алматыда қалдырылғанда, мегаполисті дамытуға мүмкіндік берер еді. Бұл мәселені шешу үшін Алматы қаласының Кәсіпкерлер Палатасы ұзақ мерзімді шарттар жасасу мақсатында, мемлекеттік сатып алу мониторингінің алгоритмін қарастыруды ұсынбақ.

Біз «Алматы лифт» ЖШС бірлестіре отырып, 732,6 млн. теңгеге мемлекеттік тапсырыс алуға қол жеткіздік. Осыған дейін бас мердігерлер ҚХР, Түркия және Беларусь өнімдерін қолданды. Алматылық медициналық мекемелер мен мектептер бұрын Ресей, француз және неміс өнімдерін сатып алған. Комиссия жұмысының арқасында хаттамалық тапсырмалар аясында тапсырыс берушілер Алматы «Аврора» компаниясының тауарларын сатып ала бастады. Компания 25 млн. теңгеге мемлекеттік тапсырыс алды. «СҚ-Фармациясы» Палатаның қолдауымен «JULDYZ KENAN» ЖШС-мен 300 млн.теңге шарт жасасты.

Алматы қаласының Кәсіпкерлер палатасы 2017 жылы қалалық бизнестің мүліктік құқықтары мен мүдделерін 1,5 миллиард теңгеге қорғады. Бұл жойылған айыппұлдар, өсімақылар, мемлекеттік органдар қайтарған сомалар, алып тасталған тыйым салулар, сақталған мүліктің құны. Бұл ақшаны кәсіпкерлер компанияларды дамытуға және қызметкерлерге еңбекақы төлеуге жұмсай алады. Алматы қаласының «Атамекен» палатасына бизнес субъектілерінен 276 өтініш келіп түсті. Жағдайдың жартысынан көбі бизнес мәселелері оң шешімін тапты. Кәсіпкерлер құқығын қорғау кеңесіне 26 шағым түсті. Олардың 19-ы шешілген шағымдар.

Алматылықтар 2017 жылы Кәсіпкерлерге қызмет көрсету орталықтарынан 7 мыңға жуық қызмет алды. Оларға түрлі есеп беруді толтыруға, бизнес-жоспарларды дайындауға көмектесті, IT қызметтерін көрсетті, бұл бүгінгі күнгі нарықта өте маңызды және бизнес қолдау ала алатын мемлекеттік бағдарламаларды таңдап алды. Қосымша басқа да көптеген кеңестер, өз ісін шешудегі мүмкіндіктер үшін болды.

Кәсіпкерлер палатасының бизнес-мектебінде 1676 адам тегін оқудан өтті. Олардың кейбіреулері тіпті біздің жаттықтырушылармен жақсы қарым-қатынас орнатып, кейде бизнестегі өз табыстары туралы айту үшін және қосымша кеңестер алу үшін келеді. Бұл сандардың барлығы біздің бизнес-мектепте білім алу және КҚКО-да кеңес беру тек сұранысқа ие емес, сонымен қатар қала тұрғындары тарапынан сенімге ие екендігін айтады.

Алматы қаласының Кәсіпкерлер Палатасы 4 клубты жүргізеді: Бухгалтерлер клубы, Маркетологтар клубы, Franch Day (франшиза туралы), Digital marketing workshop (интернетте жылжыту). Барлық кездесулер мен оқыту тегін түрде өткізіледі. Сонымен қатар, спикерлер ретінде ең үздік сарапшылар сөз сөйлейді, шетелдік қонақтар немесе шетелдік компаниялардың өкілдері жиі тәжірибе бөліседі. Бүгінгі таңда кездесуге келгендер мен онлайн қарап отырған аудитория 5 мың адамға жетеді.

«Атамекен» кадрларды даярлау мәселесінде, білім беру және бизнес жүйесін біріктіруде белсенді жұмыс жүргізеді. Алматыда кәсіпкерлер палатасы Қазақстанда алғаш рет өндірістік кластерлер құрды, оған оқу орындары мен жұмыс берушілер кіреді.

Бүгінгі таңда Алматыда 9 кластер жұмыс істейді: жеңіл өнеркәсіп, тамақ, құрылыс, IT - технологиялар және басқа салалар. Бұл кластерлерде дуалды білім алған мамандарды жете меңгерудің немесе қайта оқытудың қажеті жоқ. Биылғы жылы біз көліктік-логистикалық кластер ашуды жоспарлап отырмыз. Әрине, біз барлық жұмысты Алматы әкімдігінің қолдауымен жүргізудеміз. Біздің ұсынысымыз бойынша колледждердің оқу бағдарламасы өзгертілді және Оқу уақытының 60% өндірістік тәжірибеге берілді.

Алматы қаласының кәсіпкерлер палатасы қала экономикасының нақты секторына инвесторларды тарту және кәсіпкерлікпен айналысатын барлық салаларға халықаралық ынтымақтастықты күшейту мақсатында ТМД және алыс шетелдердің дипломатиялық және сауда миссияларымен жұмыс жүргізуде.