«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Қаз

Ұлттық палата және Астана әкімдігінде шағын және орта кәсіпкерлікті қолдау шаралары туралы айтылды

2023 жылғы 30 Наурыз
8351 просмотров

Елордада «Атамекен» ҚР ҰКП Төралқа төрағасы Райымбек Баталов және Астана әкімі Жеңіс Қасымбектің қала кәсіпкерлерімен кездесуі өтті. VIII сайланған Парламенттің бірінші сессиясының ашылуы барысында Мемлекет басшысының тапсырмасын орындауға бастамама болған шараға ШОБ, салалық қауымдастықтар, құқық қорғау және қадағалау органдары, «Атамекен» кәсіпкерлер палатасының өкілдері қатысты.

Кездесуде елорданың инженерлік инфрақұрылымын дамыту, әлеуметтік объектілерді (қолжетімді тұрғын үй, мектептер, медициналық нысандар, балабақшалар және т. б.) салу, интернеттің қолжетімділігі мен сапасын арттыру, жер қатынастары саласы, ақылы тұрақ орындары бойынша МЖӘ жобасына өзгерістер енгізу және т. б. мәселелер көтерілді.

 

«Кеше VIII сайланған ҚР Парламентінің бірінші сессиясының ашылуында Мемлекет басшысы экономика мен еңбек нарығының қозғаушы күші шағын және орта кәсіпкерлік болуы тиіс, «оларға ел ішінде бизнесті дамытуға және оларға нақты көмектесуге мүмкіндік беру маңызды» екенін айтты.

Астанада 209 мыңнан астам кәсіпкерлік субъекті жұмыс істейді. Бизнес 460 мың адамды жұмыс орындарымен қамтамасыз етеді, бұл елорданың экономикалық белсенді халқының 71%-ы. Біз кәсіпкерлерге жүйелі қолдау көрсетуге мүмкіндік беретін бірқатар шарал қабылдадық. Атап айтқанда, АЭА және Индустриялық парк аумағында жеңілдіктер, түрлі бағдарламалар бойынша гранттар мен кредиттер беріледі, «Astana Invest» инвесторларына арналған фронт-офис жұмыс істейді, инженерлік желілерді жүргізуге, қажетті инфрақұрылымды құруға көмек көрсетіледі. Бірақ бұл да жеткіліксіз. «Атамекен» ҰКП-мен бірлесіп қосымша қолдау шараларын жасаймыз, оның ішінде бюрократиялық кідірістер мен кедергілерді жоюды жалғастырамыз», – деді Астана әкімі Жеңіс Қасымбек.

 

«Атамекен» ҚР ҰКП Тралқасы төрағасы Райымбек Баталов жобаларды іске асыруды бірінші кезекте отандық кәсіпкерлерге сеніп тапсыру керек екенін атап өтті. Мысалы, кәсіпкерлер отандық тауар өндірушілердің «жайлы мектеп» жобасына қатысу мәселесін көтерді. Кәсіпкерлірдің айтуынша, «Samruk-Kazyna Construction» АҚ жеткізушілерді іріктеу жөніндегі конкурстардың ашықтығы арқылы өндірушілерге тең жағдай мен мүмкіндіктерді қамтамасыз етуге тиіс. Бұдан басқа, елордалық өндірушілер қазақстандық өндірушілермен оффтейк келісімшарттарының алдын ала шарттарын жасау керек деп санайды. Шарттар арқылы өнімді өткізудің кепілдік берілген көлемін қамтамасыз етуге мүмкіндік жасалады.

Қазіргі кезде Ұлттық палатада отандық тауар өндірушілердің тізілімі қалыптастырылған. Тізілім әрі қарай мердігер компанияларға ұсыну үшін «Samruk-Kazyna Construction» АҚ-қа жіберілді. ӨТО тізімі тұрақты түрде жаңартылып тұрады.

«Атамекен» ҚР ҰКП Төралқа төрағасы  Райымбек Баталов кәсіпкерлікті дамытудың кешенді жоспары туралы айтты. Онда шағын бизнес блогына және орта бизнес проблемаларына ерекше назар аударылған.

«Кеше Мемлекет басшысы біз нақты индустрияландыру, өндірісті оқшаулау, инфрақұрылымды жаңғыртумен айналысуымыз керек екенін айтты. Бюджеттен қаржыландырылатын жобаларды бірінші кезекте отандық кәсіпкерлер іске асыруы тиіс. Біз үшін бұл өте маңызды  және біз бұл жоспарды іске асыратынымызға сенімдімін. Бұл кешенді тиімді бағдарлама баршамызға, оның ішінде шағын және орта бизнеске жобаларды өсіруге және іске асыруға мүмкіндік береді», – деді Райымбек Баталов.

Кездесу барысында жергілікті атқарушы органдармен жұмыс Өңірлік кәсіпкерлер палаталары жанынан құрылған салалық комитеттерімен тығыз өзара іс-қимыл арқылы құрылғаны айтылды. Мұндай жиындар Ұлттық палата алаңында тұрақты түрде өткізілетін болады.


Еншілес ұйымдар

Серіктестер