«Зерде-Керамика»: Ақтөбенің жаңа өнеркәсіптік келбетін қалыптастырып жатқан цифрлық өндіріс
Қазіргі заманғы технологияларды табысты енгізудің және инвесторлардың мүдделерін қорғаудың жарқын мысалдарының бірі – «Ақтөбе» ӘКК индустриялық аймағындағы 17 кәсіпорынның жағдайы болды. Биыл облыс прокуратурасы мен Кәсіпкерлер палатасы бірлесіп жүргізген жұмыс нәтижесінде инвесторлардың заңды тұлғаларға арналған тариф бойынша электр энергиясы үшін артық төлеп келгені анықталды. Ал шын мәнінде, оларға неғұрлым тиімді «босату тарифі» қолданылуы тиіс еді. Нәтижесінде тариф 11 теңгеге төмендеп, 49,99 теңгеден 38,86 теңгеге дейін азайтылды. Бұл кәсіпорындардың шығындарын едәуір қысқартып, олардың тиімділігін арттыруға мүмкіндік берді.
Индустриялық аймақтың цифрландыру мен өндірістік автоматтандырудың әлеуетін айқын көрсетіп отырған резиденттерінің бірі – керамогранит пен керамикалық плитка өндіретін «Зерде-Керамика» зауыты. Бұл – Қазақстандағы жетекші кәсіпорындардың бірі, ол құрылыс пен сәулет саласында кеңінен қолданылатын берік әрі заманауи материал – керамогранит өндіруге маманданған.
Зауыт аймақтың индустриялық және технологиялық дамуының шынайы символына айналды. Мұнда өндіріс үдерісінің барлығы дерлік автоматтандырылған. Кәсіпорынның қуаттылығы – жылына 5 миллион шаршы метр плитка, ал жергілікті шикізатты пайдалану деңгейі 70%-ға жетеді.
.jpg)
«Зерде-Керамика» өндірісінде итальяндық SACMI компаниясының инновациялық шешімдері қолданылады. Соның ішінде LGV – зауыт ішінде жүктерді өздігінен тасымалдайтын лазерлік навигациясы бар көліктер жүйесі енгізілген.
Бұл жаңа буын роботтары кеңістікте лазерлер, сенсорлар мен шағылыстырғыштар арқылы бағытталады, сондықтан еденге магнитті сызықтар немесе бағыттаушы жолақтар салуды қажет етпейді. Мұндай технология өндіріс процесін икемді, қауіпсіз және үнемді етеді. LGV жүйелері кәсіпорынның цифрлық басқару жүйесіне біріктірілген, бұл жүктердің қозғалысын үйлестіруге, тапсырыстарды қадағалауға, логистиканы бақылауға және өндірістік циклдерді нақты уақыт режимінде жоспарлауға мүмкіндік береді.
Ақтөбе облысы прокуратурасы мен Кәсіпкерлер палатасының араласуымен электр энергиясына тарифтің төмендеуі индустриялық аймақ резиденттерінің бәсекеге қабілеттілігін арттырудағы маңызды қадам болды.
«Зерде-Керамика» сияқты жоғары технологиялы кәсіпорындар үшін энергия тиімділігі мәселесі аса маңызды. Себебі цифрландыру мен автоматтандыру тұрақты әрі үнемді энергиямен қамтуды талап етеді.
.jpg)
Зауыт басшылығы компанияның алдағы уақытта да дамып, Президенттің өнеркәсіпті технологиялық жаңғырту мен цифрландыру бағытына сәйкес «ақылды» технологияларды енгізуді жалғастыратынын атап өтеді.
– «Зерде-Керамика» мысалы көрсеткендей, цифрлық шешімдер – бұл жай ғана үрдіс емес, тиімділік пен сапаны, өндірістің қауіпсіздігін қамтамасыз ететін қажеттілік. Ал мемлекет пен Кәсіпкерлер палатасының бизнестің мүддесін дер кезінде қорғауы өңір экономикасының тұрақты дамуына берік негіз қалайды, – дейді Кәсіпкерлер палатасы директорының орынбасары Владимир Сухорученко.
.jpg)
Пікір қалдыру:
Пікірлер: