Таза өндіріс саласындағы өңіраралық ынтымақтастық
Алматы қаласының кәсіпкерлер палатасында Ресей Федерациясының Свердлов облысының іскерлік делегациясы өкілдерінің қатысуымен таза өндіріс жөніндегі салалық кеңестің отырысы өтті.
Алматы қаласы ӨКП директорының экономикалық мәселелер жөніндегі орынбасары Жанна Мырзақұлова Свердлов облысының делегациясын Палатаның қызметімен және салалық кеңес мүшелерімен таныстырды. Свердлов облысының кәсіпкерлері мен Алматы қаласының таза өндіріс жөніндегі кеңес мүшелерінің кездесуі өңіраралық байланыстарды нығайту және екі тараптың бизнесі мен экономикасы үшін жаңа мүмкіндіктер жасау жолындағы маңызды қадам болды.
Іс-шараның маңызды нәтижесі Свердлов облысының да, Алматының да кәсіпкерлік пен инновацияларды қолдау жөніндегі кеңес мүшелері арасында белсенді байланыс алмасу болды. Болашақта мұндай кездесулер екіжақты сауда қатынастарының өсуіне және бірлескен инновациялық жобаларды іске асыруға ықпал ететін тұрақты тәжірибеге айналуы мүмкін.
Отырыс қорытындысы бойынша кеңес төрағасы сайланды. Алмат Ахметов «Caspian Beverage Holding» АҚ қаржы жөніндегі вице-президенті, Алматы қаласы мәслихатының депутаты.
Таза өндіріс кеңесі тұрақты дамуға ықпал ететін технологияларды енгізу және насихаттау және экологиялық іздерді азайту мақсатында құрылды. Кеңес мол тәжірибесі бар және саланы одан әрі дамыту мәселелері бойынша сарапшы ретінде әрекет ете алатын тәжірибелі кәсіпорын басшыларынан құрылған.
Пікір қалдыру:
Пікірлер: