«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Қаз

Қытайдағы ірі автоконцерндердің бірі Алматыда өндіріс құруды жоспарлап отыр

2024 жылғы 05 Маусым
- Алматы қаласы
1889 просмотров

Дереккөз: Sputnik / Ертай Сарбасов

4 маусымда Алматыға GAC Group делегациясы келді. Жұмыс сапары бағдарламасында Алматының индустриялық аймағының мүмкіндіктерімен танысу, даму перспективаларын зерттеу, GAC компаниясының  қатысу мүмкіндігі қарастырылды. 
«Атамекен» ҰКП Төралқа төрағасы Райымбек Баталовтың Шыңжаң-Ұйғыр автономиялық ауданының (СУАР) бірінші басшыларымен уағдаластығын жалғастыра отырып, сәуір айының басында «Атамекен» Ұлттық кәсіпкерлер палатасы Үрімші қаласында өз өкілдігін ашты. Ашылу салтанатына қазақстандық тараптан ҰКП Басқарма мүшелері және Алматы қаласының өңірлік кәсіпкерлер палатасының директоры Нұрсұлтан Шоқанов қатысты. Қытайдың жергілікті әкімшілігі атынан Үрімші қаласының халықтық үкіметінің партиялық тобының мүшесі, Үрімші мэрінің орынбасары Хоу Юн, сондай-ақ жаңа Тотунхэ экономикалық ауданы мен Шыңжаң-Ұйғыр автономиялық ауданының арнайы экономикалық аймағының басшылығы. Өкілдік екі ел кәсіпкерлерінің жүйелі екіжақты экономикалық дамуына және бизнес-қатынастарын қолдауға елеулі жәрдем көрсетеді. Осыған ұқсас құрылымды Алматыда Қытай тарапы жасауда.
«Қазақстан мен Қытай бизнесі арасындағы өзара іс-қимыл үшін инфрақұрылым құра отырып, біз сауданы дамытуға және инвестициялар тартуға ғана емес, сонымен қатар озық технологиялар трансферіне, адами капиталды, құзыреттерді дамытуға да назар аударамыз. Біз іс жүзінде екі жақтан да іскерлік қатынастар саласындағы интеграциялық процестерді жеңілдетудің үлкен қажеттілігін көріп отырмыз. Біз ӨКП - да қаламыз осы процестердің бас бенефициары болуы үшін бар күшімізді саламыз», - деп атап өтті Алматы қаласы «Атамекен» ӨКП директоры Нұрсұлтан Шоқанов. 
Шекаралас аймақтарымыздың сауда-экономикалық және іскерлік оң қатынастары 30 жыл бұрын қалыптасқан. Алайда, өкілдіктердің өзара ашылуы оларды одан әрі нығайтып, кеңейтуге ықпалдасады. Әкімшілік орталығы Үрімші қаласы болып табылатын Қытайдың Шыңжаң-Ұйғыр автономиялық ауданы географиялық жағынан Қазақстанмен шекаралас аймақта орналасқан. Қалада GAC компаниясының зауыты бар. Қазақстанда автомобиль өндірісін жолға қоюға ниетті компания дайын компоненттерді төмендетілген бағамен жеткізуді,  нәтижесінде қазақстандық сатып алушылар үшін автокөлікке тартымды бағаны қалыптастыруды көздейді.
Атап өткен жөн: GAC Group (Guangzhou Automobile Group Co., Ltd.) 1997 жылы құрылған. Осы кезеңде, GAC қазірдің өзінде Қытайда өндірілген автомобильдер саны бойынша үздік бестікке кірді. Өткен, 2023 жылы компания 2,5 миллионнан астам бензин, гибридті автомобильдер мен электр машиналарын шығарды. Бүгінгі таңда олар 30 елде сатылуда. Қазақстан нарығына 2023 жылдың соңында саудалана бастады.
Қытай бизнес-өкілдігі Алматы қаласында «Атамекен» ӨКП базасында жұмыс істейтін болады. Тараптар тұрақты кері байланыс тетігін құруды және екі елдің ресурстарын, өнімдері мен өнеркәсібін таныстыру үшін көрме залдарын жиі ұйымдастыруды, бірлескен индустриялық парктер құруды және т. б. жоспарлап отыр.


Еншілес ұйымдар

Серіктестер